Breast Scan - The Department

Titlu tal-proġett: Pjattaforma pan-Ewropea ta’ l-Intelliġenza Artifiċjali għall- iskrinjar avvanzat għall-kanċer tas-sider.

Koordinatur: Istitut Ewropew għar-Riċerka dwar l-Immaġini Bijomedika (EIBIR)
Koordinatur Xjentifiku: La Lega Italiana per la Lotta contro i Tumori – Associazione di promozione sociale – LILT Milano Monza Brianza
Numru ta’ Imsieħba: 20
Data tal-Bidu tal-proġett: 1 ta’ Settembru 2025
Data tat-Tmiem tal-proġett: 31 ta’ Awwissu 2029
Ammont Totali tal-Għotja: €4,572,072.55
Finanzjament tal-UE: €3,657,658.05
Programm ta’ Finanzjament: Programm EU4Health 2021–2027
Numru tal-Ftehim ta’ l-Għotja: 101219312
Pajjiżi Parteċipanti:
Awstrija, Italja, Spanja, Belġju, Kroazja, Żvezja, Malta, Greċja, Ungerija

Website tal-Proġett EIBIR
LinkedIn

Ċaħda ta’ Responsabbiltà:
BreastSCan huwa ko-finanzjat taħt il-Programm EU4Health 2021–2027 taħt il-ftehim ta’ għotja nru. 101219312. Iffinanzjat mill-Unjoni Ewropea. Madankollu, il-fehmiet u l-opinjonijiet espressi huma dawk tal-awtur(i) biss u mhux neċessarjament jirriflettu dawk ta’ l-Unjoni Ewropea jew ta’ l-Aġenzija Eżekuttiva Ewropea għas-Saħħa u d-Diġitali. La l-Unjoni Ewropea u lanqas l-awtorità li tagħti l-għotja ma jistgħu jinżammu responsabbli għalihom.

Pjattaforma pan-Ewropea ta’ l-Intelliġenza Artifiċjali għall-iskrinjar avvanzat tal-kanċer tas-sider.

Il-kanċer tas-sider huwa l-aktar kanċer komuni fost in-nisa fl-Ewropa u d-dijanjożi bikrija hija essenzjali biex tiġi ssalvata l-ħajja. Illum, l-avvanzi fit-teknoloġiji diġitali u l-intelliġenza artifiċjali (IA) qed jiftħu possibbiltajiet ġodda biex l-iskrinjar tal-kanċer tas-sider isir aktar preċiż, effiċjenti u aċċessibbli. Il-proġett BreastSCan jgħaqqad flimkien sptarijiet ewlenin, ċentri ta’ riċerka u msieħba teknoloġiċi madwar l-Ewropa biex jisfruttaw dawn l-opportunitajiet. Il-proġett huwa marbut mill-qrib ma‘ l-Inizjattiva Ewropea tal-Immaġini tal-Kanċer permezz tal-proġett EUCAIM u jikkontribwixxi direttament għal Cancer Image Europe — il-pjattaforma Ewropea għad-data ta’ l-immaġini tal-kanċer.
BreastSCan għandu l-għan li joħloq wieħed mill-akbar settijiet ta’ data tal-immaġini tal-kanċer tas-sider diversi li qatt ġew ikkumpilati fl-Ewropa. Billi jgħaqqad 20 sieħeb (inklużi 14-il fornitur ewlieni tad-data) minn disa’ pajjiżi, il-proġett se jiġbor aktar minn miljun immaġni tas-sider —inklużi mammogramms, ultrasound u ezamijiet ta’ l-MRI — minn aktar minn 250,000 proċedura radjoloġika. Dan se jinkludi wkoll mill-inqas 30,000 immaġni minn 7,500 każ ikkonfermati ta’ kanċer tas-sider u jiżgura li s-sett tad-data jista’ jintuża biex jiżviluppa u jittestja għodod ta’ l-Intelliġenza Artifiċjali għall-iskrinjar tal-kanċer tas-sider fi tmien każijiet ta’ użu: pre-proċessar ta’ l-immaġni, kwalità ta’ l-immaġni, klassifikazzjoni tad-densità tas-sider, skoperta/karatterizzazzjoni tal-leżjonijiet u stratifikazzjoni tar-riskju tal-kanċer tas-sider.
Billi jibni dan is-sett tad-data f’konformità mal-istandards u l-oqfsa legali Ewropej, BreastSCan mhux biss se jagħmel data siewja disponibbli iżda jiżgura wkoll li tkun interoperabbli, sikura u ġestita b’mod etiku.

Fuq medda qasira taż-żmien, BreastSCan se jistabbilixxi dawn il-pedamenti:

Jistabbilixxi linji gwida komuni għall-immaġini tal-kanċer tas-sider biex itejjeb il-kwalità u l-konsistenza tad-data madwar l-Ewropa.
Jintegra settijiet tad-data eżistenti fil-pjattaforma Cancer Image Europe, sabiex ir-riċerkaturi u l-kliniċisti jkunu jistgħu jibdew jużawhom minnufih.
Jipprovdi taħriġ għall-professjonisti tal-kura tas-saħħa dwar kif jaħdmu b’għodod tal- Intelliġenza Artifiċjali u teknoloġiji avvanzati tal-immaġini.
Bini ta’ infrastruttura teknika robusta u standardizzata biex tippermetti l-kondiviżjoni tad-data sikura u bla xkiel bejn il-fruntieri.

Fuq medda medja taż-żmien, dawn il-pedamenti se jippermettu avvanzi konkreti:

L-isptarijiet se jużaw dejjem aktar l- Intelliġenza Artifiċjali biex jappoġġjaw id-dijanjożi tal-kanċer tas-sider u b’hekk jagħmlu l-iskoperta aktar mgħaġġla, aktar preċiża u aktar personalizzata.
Is-sett tad-data se jespandi biex jinkludi aktar pajjiżi Ewropej billi jinkludi firxa wiesgħa ta’ popolazzjonijiet u kuntesti tal-kura tas-saħħa.
Policies ċari u oqfsa legali se jiżguraw li d-data tal-pazjenti tiġi ttrattata bl-ogħla standards ta’ privatezza, sigurtà u trasparenza u b’hekk tinbena l-fiduċja fost il-pazjenti u l-fornituri tal-kura tas-saħħa bl-istess mod.

Fit-tul, BreastSCan se jħalli wirt li jibqa’ għal dejjem:

Sett ta’ data uniku u pan-Ewropew se jkun disponibbli għall-iżviluppaturi u r-riċerkaturi u b’hekk isaħħaħ il-kompetittività tal-Ewropa fir-riċerka dwar il-kanċer immexxija mill- Intelliġenza Artifiċjali meta mqabbla mal-Istati Uniti u ċ-Ċina.
Għodod ġodda ta l-Intelliġenza Artifiċjali se jgħinu biex il-kanċer jinstab aktar kmieni u dan iwassal għal riżultati ta’ trattament aħjar, rati ta’ sopravivenza ogħla u kwalità tal-ħajja mtejba għall-pazjenti.
Il-pjattaforma se tibqa’ miftuħa għal aġġornamenti kontinwi, integrazzjoni ta’ tipi ġodda ta’ kanċer u adozzjoni ta’ soluzzjonijiet ta’ l-Intelliġenza Artifiċjali tal-ġenerazzjoni li jmiss u b’hekk tiżgura innovazzjoni sostenibbli fil-kura tal-kanċer.
Billi tgħaqqad teknoloġija avvanzata mal-kollaborazzjoni Ewropea, BreastSCan qed twitti t-triq għal skoperta aktar bikrija, kura aħjar, u fl-aħħar mill-aħħar, inqas ħajjiet mitlufa minħabba l-kanċer tas-sider.

Riżultati mistennija:

Data ta’ Kwalità Aħjar: Introduzzjoni ta’ standards Ewropej komuni għall-immaġini tal-kanċer tas-sider, li tiżgura li l-eżamijiet ikunu aktar konsistenti u komparabbli bejn il-pajjiżi.
Pjattaforma Kondiviża: Integrazzjoni ta’ data ta’ l-immaġini eżistenti u ġodda fil-pjattaforma Cancer Image Europe, li toħloq riżorsa qawwija għar-riċerkaturi u t-tobba mill-ewwel jum.
Taħriġ tat-Timijiet tal-Kura tas-Saħħa: Żvilupp ta’ programmi ta’ taħriġ biex it-tobba u r- radjoloġisti jkollhom il-ħiliet biex jużaw b’mod effettiv għodod diġitali ġodda u l- Intelliġenza Artifiċjali fix-xogħol kliniku.
Infrastruttura Solida: Ħolqien ta’ qafas tekniku komuni u standardizzat biex jiffaċilita l-qsim faċli, sikur u protett tad-data bejn l-isptarijiet parteċipanti.
Dijanjostika Aktar Intelliġenti: Żieda fl-adozzjoni ta’ għodod ta’ l-Intelliġenza Artifiċjali fl-isptarijiet biex jappoġġjaw dijanjożi aktar mgħaġġla, aktar preċiża u aktar personalizzata tal-kanċer tas-sider.
Firxa Pan-Ewropea: Espansjoni tas-sett tad-data biex jinkludi immagini minn aktar pajjiżi, li jirriflettu d-diversità tal-popolazzjoni fl-Ewropa u jsaħħu l-applikabbiltà tar-riżultati tar-riċerka.
Regoli Ċari u Fiduċja: Implimentazzjoni ta’ proċessi standardizzati u salvagwardji legali b’saħħithom biex jiġi żgurat li d-data tas-saħħa tal-pazjent tintuża b’mod sikur u etiku.

Persuna ta’ Kuntatt għal Malta
Dr. Melvin D’Anastasi
Radjologu Konsulent u Aġent Kap tad-Dipartiment tal-Medical Imaging
[email protected]

Punt Fokali għall-Politika Nazzjonali tal-Kanċer:
Dr. Miriam Dalmas
Konsulent tas-Saħħa Pubblika tal-Mediċina
Direttorat tat-Tabib Ewlieni tal-Gvern
[email protected]

© Gvern ta' Malta

2026